J&R Wedding Bear

某一日在 facebook 見到有人講「阿媽我得左啦」，有人拎住扎花笑得好甜蜜。佢地 - Jay & Arnold 要結婚喇！

送咩禮物好？都係同以往一樣，親手一針一線縫製對結婚公仔啦。今次公仔係 teddy bear，禮服亦一樣邊做邊構思，做完之後整體都好滿意，我仲快速地做多個簡單戒指枕，新娘子收到呢份禮物好鍾情呀，我都好開心佢咁喜歡  ^^

祝佢地白頭到老！永結同心！

亂炒皇

話說星期六在百佳買左兩個特價西蘭花，盛為$6.9。即晚食左個，一個留番今晚煮。於是乎只買了一條甘筍 + $5瘦肉，諗住煮「西蘭花蝦干瘦肉粉絲煲」，點知放工返到屋企……棵西蘭花變晒黃色，好肉酸。正心煩之際，想左一陣就決定即刻浸幾隻冬菇，整左呢個似乎係小炒皇的「亂炒皇」。又估唔到老公勁 like，佢話好好送飯喎！

材料：
甘筍 1條（切絲）
瘦肉 $5（切絲略醃）

干燒伊麵

突然好想食伊麵，本來想煮芝士蝦伊麵，不過煮左好幾次，又心思思想試另一款，諗下諗下，一於亂咁煮個干燒伊麵。

餐後檢討：味道好夠，不過濕左少少，下次要落少啲水。或者下次用三餅伊麵，可以帶埋飯


材料：
伊麵 2餅 (出水過冷河)
韮黃 隨意 (我的份量 ~ 切段後滿一飯碗)