J&R Wedding Bear

某一日在 facebook 見到有人講「阿媽我得左啦」，有人拎住扎花笑得好甜蜜。佢地 - Jay & Arnold 要結婚喇！

送咩禮物好？都係同以往一樣，親手一針一線縫製對結婚公仔啦。今次公仔係 teddy bear，禮服亦一樣邊做邊構思，做完之後整體都好滿意，我仲快速地做多個簡單戒指枕，新娘子收到呢份禮物好鍾情呀，我都好開心佢咁喜歡  ^^

祝佢地白頭到老！永結同心！

第一次用呢款 teddy bear 紙樣，唔知整出黎咩樣子，好期待！

係我喜歡的款式，算幾可愛丫！

今次新娘子的頭飾，係亂咁整出黎，自己覺得好靚，但唔知老唔老土呢？

完成喇！今次好滿意，不過仍有進步空間，我會再努力研究同改善。越來越喜歡整結婚公仔送比人，我仲想上網問下人有無興搵人整結婚公仔，唔係為錢架，係整完出黎好有滿足感，送出去果陣好有嫁女的感覺！

新郎哥 - Arnold    

娘子 - Jay

快速用左一個上午完成戒指枕，無用衣車，一樣係手縫架！呢次係第二次整喇，款式都係一樣，好想突破下，行街要睇下 d 款係點先。