晚飯@灣仔八喜

放工帶爸爸媽媽去影護照相，之後約埋二家姐 Kitty ＆大家姐 Amy 晚膳，不過 Amy 唔舒服最後無黎到。

7點去到灣仔八喜，唉！係我錯，失左預算要等位，Kitty 之前提醒過我 book 位架喇，但我衰囉，坐定凹綠諗住 walk-in 會有位。最後等位等左20分鐘

台南肉碎手捲 $28 ~ 呢個極度推介，一定要趁熱食中間 d 肉碎味道夾住大蔥絲味道，令我難忘，不過唔食蔥的朋友就唔好點呢款小食喇！

八喜招牌春卷 $30 ~ 兩條切開有 4 件，呢個我覺得普通外皮係好脆口，但略為硬左少少。

灌湯小籠包 $30 ~ 中間果真係灌湯，食的時間要小心啊！我示範一次食法比父母親大人睇，爸爸果然真係跟我食法喎，好叻叻呀！先細口咬一啖輕輕啜 d 湯，跟著先慢慢食。咁就唔怕燙咀啦！

櫻花蝦炒飯 $68 ~ 極力推介，必食！飯炒得好乾身，又唔會食到成口油，夾埋櫻花蝦一齊食夠香口，唔覺唔覺食左好多。

拔絲咕嚕肉 $60 ~ 媽媽最鍾意食咕嚕肉，就要試，我覺得唔錯，少少脆口。

左營夜市蚵仔砵 $55 ~ 比個名吸引左，食落都唔錯，喜歡濃味可以一試，蠔仔肉都算多，不過似乎焗過火了。