豉油皇炒麵

老公好鍾意食豉油皇炒麵架，不過我就麻麻鐘意，呢次又係用 AM730 的食譜，份量大多數都跟足架，係加左甘筍 & 火腿片咁啫... 做法比想像中容易，材料都好易買架咋...

豐富的晚餐，有特飲架...

呢個係求其將尋晚用剩 d 材料炒架， 甘筍，香芹 & 冬瓜切絲，加少少鯪魚肉，又 ok 喎！我連個餸名都係求其改架咋...

彩絲小炒皇

冬瓜雞卷

平時煮飯都係簡單為主。今日上網睇 AM730 食譜，見到好別緻，所以膽粗粗試下，好彩賣相都 OK！

冬瓜好難切片架，切極都唔夠薄。咁一於刨啦！真係好好多，好薄，易卷好多呀，我諗整黎招待客人都得呀！

「橡皮圖章」~ 第一件作品

之前提及過的「橡皮圖章」，就是這樣子的了！是用雕刻刀在擦膠上雕呀雕，完成！因為第一次玩「橡皮圖章」，所以選舉一個簡單的圖案，不過最後當然雕出來的圖案和原先的圖案有很大的差別啦！曾經瀏覽過台灣的網，天呀！真的很美，他們的作品真的很利害，看呀看呀，於是又心思思想玩下，就係咁，又多一種興趣喇！首先當然買一盒雕刻刀 (美工刀) 先啦，因為唔知自己對呢種興趣可以維持多久，所以先購買一盒國產貨，因為便宜麻，hoho... 只是 $8 咋！當然，不一定要用雕刻刀啦，我知可以用界刀的，可是...我覺得比較難控制囉... 擦膠也是用平貨，$2 一舊，之前見過 $1 就有一舊架喇，可惜搵唔番 lu...

不能吃的壽司 [不織布]

先多謝朋友仔 Yan Yan 送給我的圖樣，收到後好開心，返到屋企就急不及待開工。

本身個圖樣係大 d 架，但因為自己鍾意迷你版，所以將個圖樣縮細左，咁整起上黎當然困難 d 啦，不過總算完成。

再黎不織布 ~ 掛飾

再玩不織布，整迷你款，好可愛呢！不過仲係初哥，唔可以整得太複雜
呢款係紅蘿蔔，應係似啦，個樣唔以顏色應該都似，嘻嘻嘻

迷上不織布

最近迷上不織布，在網上亦找到很多美麗又可愛的不織布蛋糕，曲奇等.... 上星期日在圖書館借了一本書，是關於不織布的，於是借了回家，亦都急不及待買齊材料，一於開工！

呢隻就係我第一隻作品 ----- Angel Bear