我有個好窩心的同事 ^^~

真係好窩心呀，我講過一次之麻，同事居然記得我想去 cc super 買原粒荳蔻，錫晒你 (≧3≦)

有左佢就可以整美味漢堡扒喇，yeah~~~~

呃唔到人的肉羹湯~~

無出街買餸，雪櫃有乜用乜。煮左個扮晒台灣肉羹，司華力腸粒炒飯。

誠意推介 ~ 咖哩粉絲煮大蝦

早前趁惠康減價買左一盒中蝦看門口，今日可以大派用場喇，因為真係諗唔到食乜好，我知我知......我仲有少少咳係唔應該食咖哩，但..........我真係好想食呀！仲有就係，唔食真係勁對唔住自已，粉絲索晒 d 蝦精華，帶有少少咖哩味，絕對食到停唔到口，同老公兩個掙住食粉絲，搞到蝦做左配角，誠意推介比大家 「咖哩粉絲煮大蝦」！

要止咳呀 ~ 冰糖川貝燉雪梨

咳咳咳~~~~老公仲係咳唔停，決定買川貝燉雪梨比佢食，放工去藥材舖買川貝，嘩！！！！真係食米唔知米貴，居然要 $100 一兩。咁我就買左 2 錢，請叔叔幫我磨成粉末，一細包真係細到好易吹走.....唉！

食落先知原來 2 錢川貝係唔夠，所以最好都係用夠 3 錢，不過怕苦的話用 2 錢就真係 good 呀，因為唔苦架！但就功效當然會無咁好啦......

材料：(燉完有 4 碗咁多架)
雪梨 2 個

是日晚餐精選 ~ 薯絲炒火腿絲

台灣旅行買左呢條火腿，出發前上網見過呢間唯豐 d 豬肉乾好出名，但就唔知呢款火腿好唔好味，果日姐姐係咁 sell 我話好好食，仲教我用薯仔絲炒係最好食，咁好啦，一條都係 NT$2xx，就買黎試下啦，味道唔錯，不過今次人係切成絲，要試真 d 就要下次試下切成片果 d 火腿先可以試真 d......

潤一潤喉 ~ 冰糖雪耳木瓜糖水

去完台灣返黎好多人病左，都係拜姑奶所賜，老公都被傳染左，喉龍開始唔多妥。於是上網搵下資料，綜合結果決定煲呢個糖水比老公潤一潤喉。放工即刻搵木瓜，最後得一檔有咋，買左一份三個木瓜，$12 唔算貴喇。

其實最好係燉呢個方法，但因為想快，所以用左煲呢個方法，都 ok 丫！

校務處 bbq 之夜

校務處從來都未試過咁多同事，亦都好開心大家相處融洽。平時大家的話題都離唔開食、食、食同食架，今次我地又係幫襯 Love Taste Cafe。訂左 d 刺身 lunch 食，又訂左 d 羊同埋牛夜晚 bbq，放工再去買蜆同菇類，一於食餐勁......

甜蝦、三文魚刺身、加拿大海膽，YEAH~~~~海膽係最最最受歡迎架，$115抵到爛！！！