祝財爺生日快樂！！

今日係財爺生日，原本出去食飯簡單慶祝。點知下午收到佢電話，話唔係咁舒服，想留在家食飯喎！

哎呀，突然唔知煮咩好添，咋咋淋拎帶子出黎解凍。係咪覺得奇怪可以隨時有帶子？係呀，我上次訂 Love Taste Cafe 凍肉時順便買架，500g $150，哥哥仔仲話可以幫我揀大隻比我，送到黎又真係 L size 喎。



放工即刻去惠康買急凍蝦，因為買漏野入左一轉百佳，又因為咁買多左一盒壽司；跟住再趕去東海棠買左 2 件生果撻。

返到屋企已經 7 點喇，快快手手煮好個意粉就開餐喇，因為太心急，隻手比蝦頭吉親呀，少少痺少少痛(>_<)

三文魚腩壽司幾抵食喎，$38.x 有 5 件，好肥美，雖然壽司飯淋左少少，醋味又唔夠，不過都唔算差。

帶子刺身好甘甜，比起之前買開果間仲好食，財爺好欣賞！


意粉求其煮：
煎好帶子、蝦，加菇菇炒一炒盛起。蒜蓉炒一炒意粉，加味椒鹽炒均勻再加帶子，蝦，菇同炒，上，碟後放上飛魚籽搞掂。不過財爺話都係粉絲蝦最好食喎