海鮮雜菜煲

上星期食左好多肉，所以呢個星期要食番多 d 菜，等自己良心好過 d XDDD 用咩菜都係無乜所謂，用菜心、白菜仔都得，因為昨晚食剩半個椰菜同甘筍，所以我加多一細個西蘭花同煮。點知煮左成鑊菜，哈哈哈哈！

其實材料好隨意，用蝦、魷魚、魚柳……都可以，呢次用左急凍蜆肉，鮮帶子仔同蟹柳

煮之前，菜最好出出水，因為唔想個雜菜煲變雜菜湯。很久很久以前，我好好心機咁用鮮雞煲左個湯底整砂鍋雲吞雞，就係最後加菜同煮時，個鮮甜雞湯變左菜湯，心痛死我。><

因為係蜆肉係用急凍o既，所以都要飛一飛水，去除 d 雪藏味，至於點解放埋帶子呢，因為我手多多放埋落去 =]

以薑片、蒜片起鑊，爆一爆海鮮，盛起備用。

原鑊放入雜菜、清雞湯同煮，至於用幾多清雞湯 & 水呢？好視乎用左幾多菜。水滾起後放入海鮮再煲滾，喜歡的話，可加預先浸軟的粉絲，加鹽 & 胡椒粉就食得架喇！