第一次工傷

開學兩日咋，居然咁唔小心整親！暑假尾聲忙到甩碌，開學日順順利利渡過。一如以往，同工友們一齊數校簿，準備第二個上課天派比學生們。2號下晝就 call 齊工友同我一

齊數簿，進行得好順利，點知當我拎起一包校簿時，可能心急整傷左條腰，即時已經覺得痛，但都忍到，不過安全起見都係唔敢再彎底身同拎重野。3號呢日朝早見無咁痛就如常返工，點知出門口時彎底身著鞋時就開始痛，直到下晝頂唔順，又痛又麻痺，由大腿痺到落小腿，驚驚地就去睇醫生。醫生話如果食左藥都仲痛仲係有麻痺就返去再覆診，可能脊骨移位喎！嘩，真係嚇死我，本來想返工，都係乖乖地返屋企抖抖。今日都仲係痛，仲有麻痺感覺，仲伸展到去肩膀同隻手到喇，開始有 d 擔心！咁大個女第一次工傷，真係大吉利是，可能開學禮無乳豬食呀，遲 d 要同校長反應意見先得。